ОХУ Украинд урьд өмнө нь байгаагүй том агаарын цохилт өгч, Киев дэх засгийн газрын төв барилгад гал гарсан байна. Украины албан тушаалтан ням гарагт /2025.09.07/ мэдэгдэл хийхдээ цохилтын улмаас дөрвөн хүн амь үрэгдсэн гэжээ. Тус улсын Ерөнхийлөгч Владимир Зеленский хэлэхдээ дрон, пуужингаар өгсөн цохилтын улмаас Запорожье, Кривой Рог, Одеса хот болон Сумы, Чернигов мужуудад хохирол учирсан хэмээсэн байна.
Зеленский Х дээр бичихдээ “Жинхэнэ дипломат ажиллагаа аль хэдийн эхлэж болох байтал одоо ийм аллага үйлдэж байгаа нь санаа гэмт хэрэг, дайныг сунгаж буй явдал” гэжээ. Киевийн Печерскийн дүүрэгт байрладаг засгийн газрын төв байрны дээд давхарт цохилтын улмаас гал гарсан байна. Украины Ерөнхий сайд Юлия Свирыденко хэлэхдээ, засгийн газрын төв барилга цохилтод өртсөн анхны тохиолдол гэжээ. Хотын тус бүс нь маш сайн хамгаалалттай, бэлэг тэмдэг бүхий газар юм.
Эх сурвалж: Reuters
