Монгол Улс жирэмсэн эхийг сайн дурын үндсэн дээр дархлаажуулах олон улсын жишгийг мөрдөж байна

Жирэмсэн эхчүүдийн дархлаажуулалтын асуудлаар "Өргөө" амаржих газрын дарга Ж.Энхцэцэг мэдээлэл өглөө. АНУ-д жирэмсэн эхчүүдэд вакцин хийлгэхийг зөвлөж байгаа бол Хятад улсад эрсдэл өндөр бүст амьдарч байвал хийлгэхийг зөвшөөрч байгаа юм. Монгол улсад одоогоор жирэмсэн эхэд вакцин хийнэ гэсэн шийдвэр гаргаагүй. Эхчүүдийн сайн дурын үндсэн дээр дархлаажуулж болох олон улсын жишгийг дагаж буй гэлээ. Гэвч жирэмсэн эхчүүд Ковид19-ийн халдварт өртөх, хүндрэх эрсдэл өндөр байгааг мэргэжлийн байгууллагагаас мэдээлсэн. Жирэмсэн эхийг дархлаажуулахдаа эмчийн тодорхой заалтыг мөрдөнө.

Энэ заалтанд:

• Өндөр эрсдэл бүхий эрүүл мэндийн суурь эмгэгтэй бөгөөд Covid-19 халдвартай тохиолдолд маш хүндээр өвчлөх эрсдэлтэй жирэмсэн эхчүүд
• Жирэмсэн эх нь Covid-19-ийн халдварт өртөх эрсдэлтэй нөхцөлд ажиллаж байгаа тохиолдолд
• Биеийн жингийн илүүдэлтэй жирэмсэн эхчүүд
• Ахимаг 35 наснаас дээш жирэмсэн эхчүүд
• Жирэмсэн үеийн чихрийн шинжтэй эмэгтэйчүүд

Дархлаажуулалтыг хийх жирэмсний хугацаа: Жирэмсний 14 долоо хоногоос 36 долоо хоногийн хооронд хийнэ.

• Эхний тун – 14 долоо хоногоос дээш хугацаанд
• Хоёрдахь тун – 36 долоо хоногоос өмнө хийсэн байна.

Хоёрдугаар тунгаа 36 долоо хоногоос өмнө авч чадаагүй бол төрсний дараа 42 хоногоос хойш хийнэ. Жирэмсний 36-40 долоо хоногийн хугацаанд Covid-19 халдварын эсрэг вакцин хийхгүй. Харин АстраЗенека, Спутник-V вакцинуудыг жирэмсэнд хүнд хийхийг хориглож байгаа аж.скачать dle 12.0