Өнөөдөр бүх нийтийн амралтын өдөр хэдий ч дархлаажуулалтын болон PCR шинжилгээний цэгүүд хэвийн ажиллана.
Тодруулбал, дархлаажуулалтын цэгүүд 09:00-17:00, PCR шинжилгээний зургаан цэг 09:00-12:00 цагийн хооронд ажиллах юм.
Нийслэлийн төвийн зургаан дүүрэгт суурин гурав, явуулын гурван шинжилгээний цэг ажиллана. Үүнд:
- Баянгол дүүрэг-96 дугаар цэцэрлэг
- Сүхбаатар дүүрэг- 143 дугаар цэцэрлэг
- Чингэлтэй дүүрэг-74 дүгээр цэцэрлэг
- Баянзүрх дүүрэг- “Тэнгэр” худалдааны төвийн гадна талбай
- Сонгинохайрхан дүүрэг- Таван шарын төмөр замын гармын ард байрлах “Номин” агуулах худалдааны гадна талбай
Хан-Уул дүүрэг- Буянт-Ухаа спорт цогцолборын гадна талбай.Өнөөдөр Улаанбаатар хотод явуулын нэг, суурин 56 цэгт дархлаажуулалтын 109 багийн 707 эмч, ажилтан ажиллаж, 29679 иргэнийг дархлаажуулахаар төлөвлөжээ.
Энэ сарын 25-ны өдөр нийслэлийн хэмжээнд I тунд 1135, II тунд 21998, нийт 23133 иргэнийг дархлаажуулалтад хамруулжээ. Вакцинжуулалт эхэлснээс хойш нийслэлийн 18-аас дээш насны иргэдийн 98.9 хувь буюу 943478 нь I тунд, 66.9 хувь буюу 637699 нь II тунд хамрагдаад байгаа аж.
