БНХАУ-ын тал Ганцмод боомтоор нэвтрэх Монголын нүүрс тээврийн автомашины тоог нэмэгдүүлж, 600 болгох зорилттой байгааг “SXCoal” мэдээллээ.
Өнгөрсөн долоо хоногт буюу аравдугаар сарын 18-21-ний өдрүүдэд Гашуунсухайт-Ганцмод боомтоор өдөрт нэвтэрсэн нүүрс тээврийн автомашины тоо 380 байсан аж. Энэ нь өмнөх сартай харьцуулахад өссөн дүн болж байна. Цаашид ч өсөх төлөвтэй байгааг мэдээлсэн юм.
Нөгөө талаас Гашуунсухайт хилийн боомтын чингэлэг тээврийн терминалын туршилтын тээврийг ойрын хугацаанд эхлүүлэх төлөвтэй байна. Эхний ээлжид терминалын хажууд 150-200 жолооч байрлуулах гэр кэмп байгуулах юм байна.
Гурван шатлалтай тээврийн системд шилжсэнээр тээвэрлэлтийн хурд, хүчин чадлыг сайжруулах боломжтой гэж Зам, тээврийн хөгжлийн сайд Л.Халтар мэдээлсэн юм.
Терминалын үйл ажиллагаа эхэлснээр экспортын хэмжээг нэмэгдүүлээд зогсохгүй тээвэрлэлтийн явцад нүүрсний чанар муудахаас сэргийлэх давуу талтайг онцоллоо.
С.Өнөрсайхан | @unursaikhan_sor
Bloomberg Tv
