БНХАУ-ын тал ирэх дөрөвдүгээр сарын нэгнээс Гашуунсухайт-Ганцмод боомтоор татан авах нүүрс тээврийн автомашины тоог 300 болгож нэмэгдүүлэхээ мэдэгдсэн байна.
Цар тахлын нөхцөл байдалтай холбоотойгоор өнгөрсөн оны 12 дугаар сараас хойш Ганцмод боомтоор нэвтрүүлэх нүүрс тээврийн автомашины тоог БНХАУ-ын тал 100 болгож бууруулсан юм. Үүссэн геополитикийн асуудалтай холбоотойгоор ОХУ-аас БНХАУ-д нийлүүлэх нүүрсний нийлүүлэлт буурч, Монголд “коронавирус”-ийн халдварын тархалт буурч эхэлснээр гуравдугаар сарын 12-ноос өдөрт гарах тээврийн хэрэгслийн тоо 200 болж өсөөд байна.
БНХАУ-д “коронавирус”-ийн халдварын тархалт хумигдвал үүнээс ч илүү нэмэгдүүлэх боломжтой гэсэн юм. Мөн өнгөрсөн оны 12 дугаар сарын 16-наас хойш зогсоод байсан чингэлэг тээврийн терминал хоёрдугаар сарын 22-ноос дахин ажиллаж эхэлсэн байна. Энэ сарын 12-ноос хойш өдөрт 30 чингэлэг тээвэр хилээр нэвтэрч эхэлснийг Боомтын зөвлөлөөс мэдээлсэн байна.
С.Өнөрсайхан | @unursaikhan_sor
Bloomberg Tv
