БНХАУ-ын Шаньдун мужид сургуулийн автобус цугларсан хүмүүсийг дайрсны улмаас 11 хүн амиа алдсан хэрэг гарчээ. Амиа алдсан хүмүүс нь 5 сурагч, 6 эцэг эх байсан тухай Хятадын төрийн хэвлэлүүд мэдээлсэн байна. Үүнээс гадна хэд хэдэн хүн шархадсаны нэгнийх нь биеийн байдал хүнд байгаа аж.
Автобусны жолооч Тайан хотын сургууль руу ойртож байхдаа жолоодлогоо алдаж, замын хажууд байсан эцэг эх, хүүхдүүдийг мөргөжээ. Осол гаргасан жолоочийг орон нутгийн цагдаа нар саатуулсан бөгөөд ослын шалтгааныг шалгаж байгаа гэж мэдээлсэн байна.
Хятад улсад хүний амь нас хохирсон зам тээврийн осол байнга гардаг. Тухайлбал өнгөрсөн долоодугаар сард Чанша хотын төв хэсэгт автомашин явган зорчигчдыг мөргөснөөс 8 хүн нас барж, 5 хүн бэртэж гэмтсэн хэрэг гарсан.
