Сонгинохайрхан дүүргийн 17 дугаар хорооны нутаг дэвсгэрт 0.9 га нийтийн эдэлбэр газарт 2021 онд бүрэн тохижилт хийхээр төлөвлөжээ. Тиймээс тус газарт зохих зөвшөөрөлгүй олон жил болсон тоосгон гарааш, төмөр чингэлэг, контейнер зэрэг 132 байгууламжийг буулгах ажлыг эхлүүлсэн байна. Чөлөөлсөн газарт цэцэрлэгт хүрээлэн, ногоон байгууламж барина. Мөн дугуйн болон явган хүний зам, цэцэрлэгт хүрээлэн, авто зогсоол зэрэг цогц бүтээн байгуулалтын ажил хийгдэнэ. Төлөвлөлтийг нь нийслэлийн зураг төслийн хүрээлэн хийж байгаа бол бүтээн байгуулалтын зардлыг нийслэлийн захирагчийн ажлын албанаас гаргах аж.
Гараашийн эздэд гурван удаагийн шаардах хуудас хүргүүлсэн гэж тус дүүргийн газар зохион байгуулалтын албанаас мэдээллээ.
